खाड्डी (पोवारी कविता)

सर सर झाडपर

सर सर खाल्या

देखशान खाड्डी

हास खुब बाल्या ……||१||

 

सोनेरी सेत केस, 

टपोरा ओका डोळा

चिटुकलो पिटुकलो

मन साधो भोळा ……||२||

 

मऊ मऊ आंग

जसो मखमली पान

झुबकेदार पुस्टीलक

झाळसे पुरो रान …….||३||

 

मुंगफल्ली का फोल

सोलं कडकडम

चटकन खाय दाना

करं गुटगुटम ……….||४||

 

टुक टुक न्याहारशान

देखतच रयजाय

टवकारं टिल्ला कान

आवाजलक पराय ….||५||

 

रामसेतु बांधनोमा

होतो येको हिस्सा

म्हणुन रामायणमा

आयीसे येको किस्सा..||६||

 

उचो उचो झाडपर

रव्हसे इनकी बस्ती 

सेंग देसे बाल्या मणुन

होसे ओकी दोस्ती …||७||