जर ती नसती तर.....

पुरुष निर्मिती कशी हा प्रश्नच राहिला वेगळा 

स्त्रीशिवाय बदलला असता अर्थच विश्वाचा सगळा 

मुळात तिचे अस्तित्वात नसणे ही व्याख्याच जरा रंजक आहे 

पुरुष प्राधान्य घेऊन‌सुद्धा तो स्त्रीसाठीच तर‌ जगतो आहे 

रेंगाळताना चिमुकले बहीणीचे हात भरवती 

शाळेच्या पहिल्या दिवशी‌ अश्रु आईचे अनावर होती 

कॉलेजातल्या प्रियसिचे बहाणे तर अगदी अल्लडच 

बायकोचे डोळे मात्र नकळत सारे समजुनी घेती 

न‌ सांगताच वेळापत्रक प्रत्येकाचे ती ठेवते 

पोटाच्या खळगीसोबत शरीराची खळगीही भरते 

पराकष्ठा करुनही मात्र स्थान तिचे इवलेसे 

पण पंचपक्वानाला तरी मिठाशिवाय किंमत कुठे असते 

सहनशक्ती स्त्रीजन्माची निर्मात्यालाही ग्यात असावी 

तरीच जग पेलणार्या पृथ्वीला स्रिलिंगी उपमा दिली असावी 

असणे-नसणे तीचे जगात‌ उत्तर शोधु पाहते आहे 

"जर ती नसती तर" हा वादच मुळात अपवाद आहे