गुढी उभारू‌ मांगल्याची

इतिहास झाला साक्षी 

पाडव्याच्या सणासाठी 

उधळूनी पुष्पमाला 

रोवू विश्र्वासाची काठी !

शब्द माला शर्कराची

गुंतवावी भोवताली 

वरी शेला अस्मितेचा ‌

जोड रांगोळीला घाली !

आले श्रीराम नगरी 

विश्व आदरें ब्रम्हांना

नित्य स्मरावे ह्या दिनी 

शूर त्या शालीवाहना ! 

चैत्र पालवी आरंभी 

करु स्वागत ग्रीष्माचे

थुंकू कडुलिंबासवे 

राग रुसवे मनाचे !

नव्या वर्षाचा प्रारंभ

ठेवू जाण संस्कृतीची

सारे मिळूनी उभारू

एक गुढी मांगल्याची !