जन्मदात्री.( काव्यप्रकार अ)
जन्मदात्री.( काव्यप्रकार अ)
आई जन्मदात्री | न विचार कधी
पोटी येई व्याधी | अजाणती||१||
तरी बीज पोशी | वाढे मासमासी
राहून उपाशी | सर्वकाळ ||२||
जन्म देई बाळा | करी ती सोहळा
फुले प्रेम मळा | निरंतर ||३||
अविरत सेवा | सदा ती हजर
न थांबती कर | क्षणभर ||४||
बाळ होई मोठा | सगळा विसर
होई बेफिकीर | अपकारी ||५||
का?न होई काठी | माऊली विचारी
स्वमना बिचारी | उदासून ||६||
कर्तव्याची जाण | ठेव रे बाळा तू
नको विसरू तू | उपदेश ||७||
बाळ विपरीत | न करी सांभाळ
करी सदा छळ | मातोश्रीचा ||८||
किरणजी म्हणे | नका देवू त्रास
नको उपाहास | माऊलीचा ||९||
तेच खरे पाप | देवू नको ताप
प्रभू करी माफ | मातृसेवा ||१०||