झाशीची राणी

वीरांगना शूर लक्ष्मी बाई

स्वातंत्र्यात अमर झाली

राणी लक्ष्मीबाईंची गाथा

दिव्य ज्योत पेटवून गेली १

तांबे कुळीची मनु आली

शूर नेवाळकरांच्या महाली

अन एका दैदिप्यमान पर्वाला

झाशी मध्ये सुरुवात झाली    २

जनसेवेसाठी राणी जगली

जनतेच्या दु:खात दु:खी झाली

रयतेच्या हितासाठी राणी लक्ष्मी

स्वत: अस्तित्व विसरुन गेली ३

राणी स्वातंत्र्य मिळविण्यासाठी 

 इंग्रजांशी प्राणपणाने लढली

शेवटच्या क्षणा क्षणापर्यंत तिने

तिने प्राणांची आहुती दिली ४

मेरी झाशी नही दूंगी ललकारी

 देत ब्रिटिशांविरूद्ध लढली

 विद्दयुलतेसम तलवार फिरवित

 राणी लक्ष्मी बाई अमर झाली    ५