हिरवी धरती

हिरव्या धरणीचे हे 

मज स्वप्न आले रात्री

होईल वर्षाव सरींचा

पीक येईल याची खात्री 

हिरवेगार फुलले रान 

पाहता मन माझे भुलले 

थंडगार वार्‍याच्या झोताने

बघा कसे रान मोकळे झुलले 

मंजुळ गाणे गाती पहा 

ही किलबिल पाखरे 

स्वर घुमती रानावनात 

बघा शेत डोलती खरे 

विसरावे सारे दुःख मनाचे 

नव्याने आशा उद्याची घेऊन

घेऊनी न्यारे वरदान धरतीचे 

जगावे नवी प्रेरणा देऊन 

हिरवी धरती सारी बहरली 

पावसाच्या खास बहाण्याने 

नभातून येई भेटी धरणीला 

प्रेयसीला भेटण्या प्रकर्षाने