गुढी पाडवा

नवीन वर्षाची सुरूवात

चैत्रातील गुढी पाडव्याने

संस्कृती परंपरा जपणे

पाडव्याची गुढी उभारण्याने

जरतारी रेशमी वस्त्रावर तांब्या उलटा

माळ घालुनी सजवू फूल बत्ताशांची

नव्या आशेची, प्रेमाची गुढी उभारू

विनवू तिज, नष्ट कर अवदसा कोरोनाची

रितीनुसार सेवन कडूलिंब पाला रस

मग नैवेद्य जेवण गोडा धोडाचे झक्कास

संचार बंदीमुळे सारे कुटुंब एकत्र घरात

आपत्तीकाळ तरी सणवारांच्या तत्त्वास

आठवणीत राहिल आजचा पाडवा

नाही नवी खरेदी नाही आनंद जनात

पूर्वी नाही कधी घेतला असा अनुभव

भितीचे एक सावट प्रत्येकाच्या मनात

उभारू गुढी नव्या आशा संकल्पांची

मागू देवाकडे इडा पिडा जावो टळून

नवे वर्ष येवो घेऊन सुख समाधानाचे,

कोरोनाचा रोग जावो जगातून पळून