गरिबीच्या वणव्यात
गरिबीच्या वणव्यात
1 min
262
गरिबीच्या वणव्यात
बालपण करपून गेलं
किशोर वय कोणाच्या तरी
दावणीला बांधल्या गेलं
तरुणपण पोरांना
खेळवण्यात आणि
त्यांच्या संगोपनात गेलं
यामध्ये मी कधी
तरुण होते हेच
विसरून गेले
आता साठीनंतर
त्याची जाणीव
तीव्रतेने होतेय
गेलेले दिवस परत
आणता येत नाहीत
हेच सत्य आता
समजून घ्यायचं असतं
अन् त्याचं दु:खही
करीत बसायचं नसतं कधीच