गोड गोजीरा श्रावण

गोड गोजीरा श्रावण आला

आला वसुंधरेचा सण

श्रावणाच्या सुंदरतेने

शहारून गेले मन

 सर सर बरसल्या

 पाऊस धारा

गंधाळली माती

आनंदाने घरगंळत आले

दवांचे मोती

सैरभैर झाली पाखरे

मैना गाते मंजूळ गाणी

दऱ्याखोऱ्यातून वाहते

खळखळाट पाणी

पाणाफुलांच्या गळाभेटीने

गंध फुलांचा दरवळतो

निळ्या निळ्या आभाळातून

इंद्रधनू डोकावून पहातो

उभा डोंगर पांघरून घेतो

शालू हिरवा हिरवा

सळसळ येऊन मिठीत घेतो

गार गुलाबी गारवा

गर्दगडद धुक्यातही

झाडेझुडपे लाडवतात

खेळ खेळून लता लतिका

एकमेकास छेडतात

हिरव्या हिरव्या गालीच्यावर

श्रावण हळूच अवतरतो

फुलवून पिसारा मोर बघा

थुई थुई नाचतो

रुबाब देखणा श्रावणाचा

डोळे भरून पहावा

रंगीबेरंगी आसमंत सारा

कवेत धरून घ्यावा