गणेश वंदना

तुझ्या कृपेचा हात मस्तकी, त्राता तू गणपती 

विघ्नविनाशक बुद्धिदायक, तू विश्वाधिपती 

तू विश्वाधिपती..!! 

तुझ्याच कवनी रमलो आता, अल्प माझी मती 

रिद्धी सिद्धिचा तू अधिनायक, द्या मजला सुमती 

द्या मजला सुमती..!! 

आतुरले हे नयनही माझे, वाट तुझी पाहती 

गणाधिपती तू अष्टविनायक, दर्शन द्या साक्षाती 

दर्शन द्या साक्षाती..!! 

अपराध माझे कोट्यान कोटी, घ्या बाप्पा उदराती 

भक्तवत्सला तू सुखदायक, झाली मज उपरती

झाली मज उपरती..!!

शरण मी आलो देवा तुजला, चरणाची मज प्रीती

वक्रतुंड तू सिद्धिविनायक, करितो तव आरती 

करितो तव आरती..!!