गणेश स्तवन

शुभ कार्यारंभी । गणेश पूजतो ।

सुख ते मागतो । भक्तगण..।। १ ।।

गणेश चतुर्थी । होई आगमन ।

देव गजानन । गणपती.. ।।२ ।।

सजवले छान । सुबक आसन ।

गणेश स्थापन । मखरात..।। ३ ।।

सकल मिळुनी । करती पुजन ।

गणेश स्तवन । आरतीने...।। ४ ।।

प्रसाद मोदक । प्रिय गणेशास ।

आवडे तो खास ।चतुर्थीला.।। ५ ।।

गौरीच्या तनया । दुःख निवारता ।

मांगल्य आणता । विघ्नेश्वरा...६

असे सकळांचा । संकट नाशक ।

देव विनायक । वक्रतुंड....७

देवांचा तो देव । बुध्दीचा नायक ।

भक्तांचा पालक । विद्याधर.. ।। ८।।

नाम तव घेता । मन होई मग्न ।

दूर होई विघ्न । विघ्नहर्ता.. ।। ९ ।।

सदा भक्तांवर । आशिर्वाद देवा ।

कृपा दृष्टी ठेवा । मोरेश्वरा... ।।१० ।।