घरटे

घरकुल प्रिय असे

आपापले प्रत्येकाला

पक्षी पण बांधताती

काड्या जोडूनी घरट्याला

घरट्यात विविधता

दिसे पहा बांधण्यात

काही काड्यांना जोडूनी

काही पाने शिवण्यात

फार सुबक घरटे

अति कामात निष्णात 

असे सुगरण पक्षी 

घरट्यास   बांधण्यात 

होता सांजवेळ पक्षी

धाव घेती कोटरीला

 करीतात किलबिल

चिव चिवाट जोडीला

रहाण्यास प्राणी मात्र 

शोधतसे तो निवारा

किती तऱ्हेची घरटी

पक्षी जमवी पसारा