गावाकडची सकाळ

शुभ सकाळ 

दिली बाक कोंबड्याने 

नाही घड्याळाची गरज

किलबिल कानी पक्ष्यांची

जाग येतेची सहज

 कानी येती मंद सुर  

ऐकावी सुरेल भुपाळी

वहानांचा नसे आवाज

होता, शुभ सकाळी

बैलांच्या गळ्यातील घंटेचा

रुळुझुळतो मधुर नाद

बळीराजा निघे शिवारी

देऊन सर्जाला साद

फुले फुलती अंगणी

परिसर होतो गंधित

सडा समार्जन रांगोळीने

आसमंत होते प्रफुल्लित

 उष:काल गावाकडे 

असाच असे सदाकाळ

गरज नुरते शब्दांची

वदण्या शुभ सकाळ