गाऊ प्रितीचे गाणे

गाऊ प्रितीचे गाणे सखे

दोघे मिळूनी संग ।

न्हाऊ प्रितीत ऐसे ज्याने

दुनिया होईल दंग ।।

येऊ दे कितीही संकटे

त्यावर संगतीने करूया मात ।

जिने मुश्किल होईल सखे

माझे गं तुझ्या विरहात ।।

आवडे ना कोणी तुझ्या वाचून

नयनी गेली गं तू साचून ।

बोलते जेंव्हा माझ्याशी तू

वाटे हर्ष साजरे करावे नाचून ।।

आहे खरंच तुझ्यात गुरुत्वाकर्षण

तो माझ्या मनाला तुझ्याकडे ओढतो ।

चल बंधून जाऊ त्या बंधनात सखे

जो आपल्याला एकत्र जोडतो ।।