एक विसावा तुझ्या दयेचा.......भक्तीगीत लेखन

तुझीया चरणी अर्पूनी मी पण, जीवन हे उजळू दे

एक विसावा तुझ्या दयेचा, मनांस माझ्या मिळू दे।।धृ।।

भक्त वत्सला दिनदयाळा,तव कृपेनेच मार्ग मोकळा

संन्नीतीच्या वाटेवरती,संसार हा उजळू दे

तुझीया चरणी अर्पूनी मी पण, जीवन हे उजळू दे

एक विसावा ................................।।१।।

दीनजनांचा तु कैवारी,तव दर्शन हा ध्यास ही जरी

अहम् मनाचा विरूनी संसारी,भक्ती रसातच जळू दे

तुझीया चरणी अर्पूनी मी पण, जीवन हे उजळू दे

एक विसावा .................................।।२।।

नितांत सुंदर ध्यान मनोहर,मिटवूनी सारा अंधःकार

अखंड नामाचा तो गजर,चराचरास या कळू दे

तुझीया चरणी अर्पूनी मी पण, जीवन हे उजळू दे

एक विसावा .....................................।।३।।

दारिद्र्य दुःख अन् नैराश्याला,उजळूनी दीपाच्या आशेला

तुझाच आशिष हाच वशीला,मम भाग्यासी मिळू दे

तुझीया चरणी अर्पूनी मी पण, जीवन हे उजळू दे

एक विसावा ....................................।।४।।