दिन सुगीचे

दिन शिवार सोहळा 

सर्जाही मस्त नटला

आले दिवस सुगीचे

शेतकरी आनंदला

राब राब तो राबला

दिन रात्र जोपासले

कष्ट केले शिवारात

धान्य पीक उभारले

संगे ढवळ्या पवळ्या

कृपा झाली वरुणाची

धान्य आले बहरुनी

पुर्ती झाली ती स्वप्नाची

कर्जफेड ती होईल 

आनंदला मनातुनी

घास सुखाचे मिळेल

पोरा शिक्षा शाळेतुनी

सुगी येता शिवारात

घर भरे आनंदाने

पोराबाळा भार्येसह

आनंदला तो सौख्याने

पीक कापणी मळणी

जुंपतील कामा बाया

पोती भरे वावडुनी

बाजाराला जाती गाड्या

दाम कष्टाचा मिळेल

चिंता नसेल वर्षाचे

आत्महत्या नसे चिंता

दिन येईल हर्षाचे