देवी

सात वारात शुक्रवार ग |

आज देवीचा पूजेचा मान ग ||

देवी नेसली शालू हिरवागार ग |

त्यावर शोभते बुटय्यांची माळ ग ||

देवी मळवट भरला कपाळी ग ||

त्यावर शोभतो कुंकवाचा टिळा ग ||

नाक देवीचे आहे धारदार ग I

त्यात शोभते मोत्यांची नथ ग ||

गळा शोभती सोन्याचे हार ग I

कानी कुंडल मोत्यांची वेल ग ||

गजरा माळीला अंबाड्यामधे ग I

पाटल्या‌,बिलवर चुड्यामधे छान ग ||

जोडवी,मासळी पायी घालून ग I

वाजे मंजुळ पैंजण पायी ग ||

असे देवीचे मनोहारी रूप ग I

मन बघून समाधान होई ग ||

सर्व भक्तांना तिचाच‌ ध्यास ग I

भक्तासाठी ती धाऊन येई ग ||

दुष्ट संहारा साठी रूप घेई ग I

भल्या भल्यांना पाजिते नीर ग ||

भेदी नजरेने मारीते तीर ग I

सर्व दुष्टांचा होई संहार ग ||

देवी रौद्र रुपात पाहून ग I

स्त्री शक्तीचा होई सन्मान ग ||

सात वारात शुक्रवार ग |

आज देवीचा पूजेचा मान ग ||