देवा सरू दे माझे मी पण

देवा सरू दे माझे मी पण

देव जर मला भेटला

सांग तव इच्छा म्हणाला

आधी मागीन मी तयाला

संपव माझ्यातील मी पणाला

षड्रीपूंचे जग हे भरलेले

दूर तया सारण्या दे शक्ती   

तूच भर भाव मम हृदयी

मी पण सारण्या घडो भक्ती

विसर न व्हावा कधी तुझा

घडू दे निरंतर तव सेवा

सरू दे माझे मी पण

द्यावा हाची कृपेचा ठेवा

वृक्षलता करती उपकार

तशीच घडो सेवा हातूनी

न दाविता अहम् भाव

सरू दे मी पण मनातूनी

हेची दान दे देवा आता

आले मी तुला शरण नाथा

सरू दे देवा माझे मी पण

टेकविते तव चरणी माथा