देव भेटेल

जन्म दिधला देवाने

देह करी कर्मे सारी

वसतो तोची देहात

 सदा कर्मे करावी न्यारी

देव वसतो कर्मात

 सदा घडावे सत्कर्म 

देव भेटे कर्मातुनी

हेची जीवनाचे मर्म

देता भुकेल्यास अन्न

उठविता पतितास 

हसे तो निर्मळ भावे

बघतो आपणास 

दडलेले दुधात लोणी

जरी नाही दिसत सहज

तसाच देव वसे देहात

सांगण्याची नसे गरज

नका शोधू तया देवा -ही

असे तो चराचरात

 पहा हसऱ्या फुलात

आपल्याच नित्य कर्मात