चांदण्यातले गूज
चांदण्यातले गूज
![](https://cdn.storymirror.com/static/1pximage.jpeg)
1 min
![](https://cdn.storymirror.com/static/1pximage.jpeg)
443
सांगशील माय, तू जरा
तारका तुझी दिसे मला जरा
मी नभात पाहते तुला
काय तूहि पाहते मला?
मी खरेच काल ऐकले.
चांदण्यात गूज हालले.
कोण ते ? परी न देखले
काय तूच सांग बोलले?
माय आज मी अशांत गे
का तुलाच आठवीत गे
तू कुशीत घे मला जरा
थोडक्यात सावरेन गे.
जाण माय, तूच अंतरी.
मी तरीच शोक का करू ?
तूच सांगतेस, ते खरे.
मीच माय मीच लेकरू.