बळीराजा आणि पिक

बळी पिकवितो मोती

करी प्रयत्न तो अती,

सोसुनिया सारी कळ

आयुष्याचे गाणे गाती....।।१||

बळी तुझ्या घामामुळे

आयुष्याची होती फुले,

सांगता येत नाही शब्दात

काय तू आम्हांला दिले...।।२||

दुःख मनी ठेवून

कष्ट करीत राहिला,

निसर्गाचा प्रकोप तो

सदा झेलत राहिला....।।३||

नाही घेतली कधी सुट्टी

नाही केली कधी मजा

जगत राहिला जगासाठी

पिकवून मोती, राजा....।।४||

बळी तुझ्या घामामुळे

सुखावर तुझ्या गदा,

एक मागणे देवाला

सुखी ठेव तुला सदा....।।५||