भान हरवले माझे....

भान हरवले माझे

बघुनिया तुझे रूप ।

आईशप्पथ सांगतो सखे

आवडतेस मज तू गं खूप ।।

दिसशी तू दाही दिशा

चढली कशी गं ही नशा? ।

वेड लागले तुझ्या प्रेमाचे

झाली बघ कशी ही दशा ।।

अथांग सागराहुनी सखे

प्रेम अंतरी तुझ्यासाठी ।

ठेवशील का थोडीशी जागा

हृदयामध्ये माझ्यासाठी? ।।

शिकलो लिहण्यास कवने

तुझ्याच गं प्रेमामुळे ।

जीवन सुंदर वाटे मज

तुझ्याच गं असण्यामुळे ।।

शुद्ध अंतःकरणाने मी

प्रेम करतो तुजवर ।

स्वीकारूनी प्रेमाला माझ्या

उपकार कर गं मजवर ।।