बाप माझा शेतकरी

जन्मदाता माझा | प्रेमाचा सागर |

मायेची घागर | भरलेली ||1||

कुटूंबासाठी तो | शेतात राबतो |

घामही गाळतो | दिनरात ||2||

बाप असे सदा | आधार घराचा |

रक्षक पोरांचा | जीवनात ||3||

बाप पुरवितो | लेकरांचे हट्ट |

होई नाते घट्ट | आनंदाने ||4||

तात माझा करी | मुलांचे शिक्षण |

घराचे रक्षण | जन्मभर ||5||

गुरुतुल्य बाबा | करीतो संस्कार |

जीवना आकार | देत असे ||6||

दुःख लपवूनी | सदा हृदयात |

चिंताही डोळ्यात | कुटूंबाची ||7||

सोसतो यातना | देण्या सुख सर्वा |

सोडी स्वची पर्वा | कष्ट करी ||8||

ऐसा बाप माझा | देवतूल्य गुरु |

मम कल्पतरु | महाभाग्य||9||