अरक्त

रक्षाबंधनाचा पवित्र दिवस

उद्या पुन्हा तो ऊजाडणार!

जिथे माझ्या काळजाच्या

पुन्हा ठिकऱ्या उडणार!!

बहिणीच्या प्रेमाचं पोरकेपण

पुन्हा एकदा ऊघड्यावर येणार!

काही परंपरा असतातच अशा

रक्ताच्या नात्यानेच साजय्रा होणार!!

भावनांनी जुळलेलं नातं सतत

का? यांना खुपत राहणार!

मनात कितीही पावित्र्य राखलं तरी

त्याकडं संशयानेच बघत राहणार!!

चाली, रिती, रिवाजासाठी

रक्तालाच प्राधान्य मिळत राहणार!

मानलेला असल्याची शिक्षा म्हणून

कामापुरताच वापरात राहणार!!