अभंग

श्री स्वामी समर्थ । अर्पितो सुमन ।

करितो वंदन । स्वामी राया ।। १ ।।

प्रेमळ माऊली । दयेचा सागर ।

भक्तांचे आगर । ती माऊली ।। २ ।।

नाम मुखी घेता । क्लेश ताप हरे ।

ध्यान सदा करे । भक्तजन ।। ३ ।।

पुजा अर्चा करू । फुलांनी सजवू ।

नैवेद्य भरवू । पुरणाचा ।। ४ ।।

आरती ओवाळू । गाऊ भक्ती गीत ।

लावुनी संगीत । प्रेमभावे ।। ५ ।।

गुरवार दिनी । आरती सोहळा ।

रंगतो राऊळा । समर्थाच्या ।। ६ ।।

भजन किर्तन । तालात सूरात ।

करती जोरात । स्वामीभक्त ।। ७ ।।

आनंदी सोहळा । नयनी पहावा ।

जीव तो सुखावा । दर्शनाने ।। ८ ।।

जय जय स्वामी । करुया गजर ।

राऊळी हजर । भक्तगण ।। ९ ।।

जय घोष करू । प्रसन्न चित्ताने ।

स्मरण मुखाने । समर्थाचे ।। १० ।।