आठवणीतला पाऊस

पहिल्यांदाच येणारा,

जमिनीच्या भेगांना भरणारा

मातीतून सुगंध पसरणारा,

असा आठवणीतला पाऊस ||१||

रिमझिम बरसणारा,

चिंब भिजवणारा,

भान हरवून सोडणारा

असा आठवणीतला पाऊस ||२||

गर्जनेसह येणारा,

मुसळधार कोसळणारा,

मनात धडकी भरवणारा,

असा आठवणीतला पाऊस ||३||

श्रावणात येणारा,

मुक्काम ठोकणारा,

सुट्टीचे कारण देणारा,

असा आठवणीतला पाऊस ||४|| 

इंद्रधनु पेलणारा,

ओढ जीवा लावणारा,

बाणांसम पाऊसधारा वर्षवणारा 

असा आठवणीतला पाऊस ||५||