आठवणींना उजाळा

आज आहे मे महिना तारीख सात |

आज घेतला होता आम्ही हातात हात ||१||

पन्नास वर्ष दिली एकमेकांना साथ ||

पण मधेच सूटला आमचा हात ||२||

आज वर्ष झाले बावन्न |

आठवणीने मन झाले खिन्न ||३||

 आता रहिल्या फक्त आठवणी |

ज्या ठेवल्या आहे मी साठवूनी ||४||

त्याच आठावणीचा घेऊन आधार|

पुढच जीवन जगतेय मी उधार| || ५||

सप्तपदीचे पावलं चाललो बरोबर 

सात |

केली अडचणीवर हसतमुखाने मात || ६||

सात वचन असतात सप्तपदीचे पहा |

पण त्यांनी मात्र पाळले फक्त सहा || ७||

शेवट पर्यंत देईन तुला साथ |

हे वचन मात्र विसरले साफ ||८||

भोग असतात हे नशिबाचे |

तिथे चालत नाही कोणाचे ||९||

आशीर्वाद आहे त्यांचे आमच्या पाठी |

 सदैव आहे पाठी माझ्या रक्षणासाठी ||१० ||

त्याच आधारे मी राहाते एकटी |

 मला न वाटे आता कशाची भीती ||११||

 डोक्यावर माझ्या प्रेमाने हात धरून |

आशीर्वाद देतात,मला भरभरून ||१२||

अशीच असते ही लग्नाची पक्की बेडी |

आठवणीने उलगडत जाते एकेक कडी ||१३ ||