आमची शाळा

 ल...ल्ला ल..ल्ला ल..ल्ला ललल्ला

 शाळा आमची खूप छान छान

 अस्वच्छ आम्ही नाही करणार

 स्वच्छता आम्ही कायम ठेवणार 

 आम्ही तर शाळेत रोज जाणार...||१||

 परिपाठातील प्रार्थना रोज म्हणणार

 नीट ओळीत आम्ही जाणार

 शाळेची शिस्त नाही मोडणार

 आम्ही रोज शाळेत जाणार..||२||

 नवे सवंगडी, दोस्ती करू छान

 गुरुजनांचा राखू आम्ही मान

 कोणाचा अपमान कधी नाही करणार

 आम्ही तर शाळेत रोज जाणार...||३||

 लेखन वाचन आम्ही शिकणार

 संस्कारांचे बीज मनी रोवनार

 शिकून सवरून आम्ही मोठे होणार 

 आम्ही तर रोज शाळेत जाणार...||४||