दिलवा नगरिया
दिलवा नगरिया
कासी में मिलिहे ना कैलाश में मिलिहे
बाबा मिलिहे दिलवा नगरिया में
मनवा लगावा ये भईया शिव के सुरतिया
फेरीहे भोला भरी के नजरिया में।
चाहे कहा बाबा विश्वनाथ
कहा चाहे बाबा बैदनाथ
प्रेमवा पुकारा ये भइया
भरी दिहे धनवा अंजुरिया में
बाबा मिलिहे दिलवा नगरिया में।
जंगल न खोजा न झाड़ी में
खोजानदी ना खोजा पहाड़ी ना खोजा
बाबा मिलिहे देवघर नगरिया में
बाबा मिलिहे दिलवा नगरिया में।
भंगिया ना खइहे धतुरवा ना खइहे
गंजवा ना पीहे चिलमीया ना चढ़ई
हेभोला लोभइ हे खीर और पुड़िया में
बाबा मिलिहे दिलवा नगरिया में।
महलिया ना चाही अटरिया ना चाही
घोड़ा ना चाही गड़िया ना चाही
भोला लोभइहे बसहा सवरिया में
बाबा मिलिहे दिलवा नगरिया में।