भोजपुरी धोबी गीत – भगा देता बैरी केरौना
भोजपुरी धोबी गीत – भगा देता बैरी केरौना
नाक करे सुकुर पुकुर बुखार ना उतरौना
बलम हो भगा देता बैरी केरौना
धीरज धरा धनिया बहरी पाँव ना उठौना
मोर सुनरो हो भगा देईब बैरी केरौना
जाइके बज़रिआ मसकिया ले आइहा
हथवा धोवे वाला सबुनिया ले आइहा
बलम हो ला देता नवका बिछौना
बलम हो भगा देता बैरी केरौना
सगरो देशवा में लागल बा करफू नजरिया
बंद भईले स्कूल कालेज बंद बा बज़रिआ
मोदी जी लगवले देशवा में लोकडौना
मोर सुनरो हो कैईसे लियाई नवका बिछौना
मोर सुनरो हो भगा देईब बैरी केरौना
निकलबू जे बहरिया केरोना लग जाई
घरवे मे रही के पहिले जनवा बचाई
जनवा जे बची त लीआ देईब बिछौना
मोर सुनरो हो भगा देईब बैरी केरौना
बलम हो भगा देता बैरी केरौना ।