भोजपुरी देवी गीत 6 -पंडित जी

लड़की – दुर्गा माई के करब पूजनवा

पंडित जी बूला देई ना

नवरातन मे आसन माई लगाइब

दुअरा लिपा देई ना।

लड़का- दूरगा माई के करिहा

पूजनवा पंडित जी बुला देईब ना

पुजवा के तोहके तैयारी कराइब

दुअरा लिपा देईब ना।

लड़की -चुनरिया ले अईहा सईया लाली

माई जाली रीझाली

मईया मनाई सईया

दिहे उहे खुशियाली

कोहरा बनवावा कलसा बरतनवा

माई कलसा बिठा दी ना

दुर्गा माई के करब पूजनवा

पंडित जी बुला दी ना।

लड़का- लाली चुनरिया माई के

लियाइब दुर्गा माई के मनाइब -

नवाडीन करिहा वरतवा

सांगवा हमहूँ रही जाइब

कोहरा बनवाइब कलसा बरतनवा

गोरी कलसा बईठा ला ना

दुर्गा माई के करिहा पुंजनवा

पंडित जी बुलाइब देईब ना।

लड़की -मईया आशीष मांगब

संतोष सिसवा झुका ला ना

दुर्गा माई के करब पूजनवा

पंडित जी बूला देई ना।

लड़का- माई चरनिया छोडब ना

भारतीमईया मना ला ना

दुर्गा माई के करिहा पुजनवा

पंडित जी बुलाइब देईब ना।