भोजपुरी चुनावी लोक गीत – हमहु

हम ना नईहरवा अबही जाइब ये माई

भोटवा देवे सइया हमहू जाइब ये माई

जनी करावा अबही मोर बिदाइ ये माई

भोटवा देवे सइया हमहू जाइब ये माई

पहिले पहिल हमहू अइली ससुररिया

पहिले पहिल भोटवा भईली उमरिया

पहिले पहिल हमहू रंगाइब अंगुरिया ये माई

भोटवा देवे सइया हमहू जाइब ये माई

भईली हम जवान अइले देशवा मतदान

बना जनी नादान हमके करे दा मतदान

भोटवा बिहान करावा मोर बिदाई ये माई

भोटवा देवे सइया हमहू जाइब ये माई

भईल बियाह मोर चिंता छोडी जनी बहावा लोर

भोटवा भईले शोर देशवा जितावे लोग लगावे ज़ोर

पहिले मोका मोर कईसे छोड़ी जाई ये माई

भोटवा देवे सइया हमहू जाइब ये माई

हमरो देशवा हिंदुस्तान छैला मोर गबरू जवान

सईया सेनवा जवान करब हमहू मतदान

दबाई के बटनिया नईहर हमहू आइब ये माई

भोटवा देवे सइया हमहू जाइब ये माई