Travel the path from illness to wellness with Awareness Journey. Grab your copy now!
Travel the path from illness to wellness with Awareness Journey. Grab your copy now!

Jayshree Patel

Children Stories

4.2  

Jayshree Patel

Children Stories

હિંચકો

હિંચકો

1 min
571


ગુણવંત શાહ ના સુંદર શબ્દો. . "પારણું જ્યારે ઉંમરલાયક બને ત્યારે હિંચકો બની જાય. "

  વાંચી હિંચકા સાથે જોડાયેલી ઘટનાઓ શબ્દો મા કંડારવાનું મન થઈ આવ્યું. પિતા હિંચકે બેસી ગીત ગાતા સોજા રાજકુમારી સોજા ને સુંદર સ્વપ્ન જોતી તેણી સૂઈ જતી. હિંચકો બાળપણ નો સાથીદાર. . કોઈ માને કે નહિ તેણીની હવેલી મા ચાર ચાર હિંચકા હતા.  સાસરે આવી તો . . મુંબઈમાં ઘર મોટું , આંગણું મોટું અરે બગીચો મોટો ને જાત જાતના વૃક્ષ પણ. . બદામડી. . જાંબુ ગોરાસઆમલી કેરી. . વગેરે પણ "હિંચકા " નો પૂરેપૂરો અભાવ. . . ઓટલા પર પિત્તળના કડા પણ હિંચકો જ નહિ.. જ્યારે પિયર જઈએ કે બન્ને બેનો એક એક હિંચકો પકડી લઇએ. પિતાજી પણ અમારી ગાડી આવવાના કલાક પહેલા હિંચકા પર બેસી જાય ને બા ને કહે ઝૂલી લઉ . . પછી રહેશે ત્યા સુધી નહી મળે. . . એજ પિતા ના મૃત્યુ સમયે એમને મે પ્રિય "હિંચકા"પર સુવાડ્યા તો લોકો કહેવા લાગ્યા મૃતદેહ નો આભડછેટ લાગે . . . અરે જીવ આજ હિચકે તો એમના શ્વાસ પ્રાણ હતા એનો શુ આત્મા નિકળી ગયો કે. . એ હિંચકો નિર્જીવ પાટ અભડાય. . ખૂબ દુ:ખ લાગ્યું . . . બીજી રૂમ મા હિંચકા પર આંખ ના અશ્રું લૂછતી. . . વરસો ની સ્મૃતી વાગોળી. . ક્ષણ પછી પિતાને વિદાય કરી . . . "હિંચકા"

પર સૂઈ ગઈ.  ઘર ઘર . . . હા તેણીનું સ્વપ્ન પૂર્ણ થયું સરસ . . . પણ હિંચકો પ્રશ્ન રૂપે હતો. . વરસો પછી ઘર મા એક કડુ નંખાયુ અને નેતરનો ઝૂલો આવ્યો .  મન ભરાઈ ગયું મારો ઝૂલો રોજ સવારે દસ મિનીટ એની પર બેસી ને છાપું વાંચવું ખૂબ ગમતું . . . પણ અફસોસ ઘર તૂટ્યું ને ચાર વરસ બહાર રહ્યા. . . ઘરમાં રહેવા આવતા પહેલા. . . પિત્તળના કડા આવ્યા પણ . . નંખાયા નહિ. . ઘરના સાહેબનો નકાર. ઉપરવટ ન જવાય સંસ્કાર ના કહે. . મોટી દીકરીએ માના સ્વપ્નને તૂટતા જોયું તેથી હુકમનામુ કાઢ્યું "હિંચકો" નંખાશે ને કડા છતમાં જડાયા. . . તેણી પાટિયું લાવી ને સુંદર સાંકળથી સજાવ્યો. . ગાદી તકિયાથી સજાવેલા આ હિંચકા પર. . . ઘરે આવીને બેસવાના સ્વપ્ન જોતી આવી તો પતિદેવ આરામથી ઝૂલી રહ્યા હતા. . . મન આનંદથી વિભોર થઈ ઉઠ્યુ . . ખૂબ પસંદ આવી ગઈ જગ્યા !

   આજે સવારની ફક્ત દસ મિનિટ એજ "હિંચકો"મન ની શાંતિ અર્પે છે. . . મોબાઈલના ચાર્જરની જેમ તેણીને ચાર્જ કરી દે છે. . ટૂંકી વાર્તા ના વિષય શોધી દેછે . . . કુટુંબનો એ સભ્ય છે. . નાના મારા વિદ્યાર્થીનો ચહિતો છે હિંચકો. . . રાતનો જમીને . . . આરામ આપનારો ને . . . નિંદર ન આવે તો કલ્પના નો સાથી છે. સાચેજ પારણું ઉંમરલાયક બની મારી પ્રૌઢાવસ્થા નો મિત્ર બની ગયો છે "હિંચકો".


Rate this content
Log in