વૃક્ષની હત્યા

કાલે થઈ એક હત્યા

કુહાડી મારી કરી એક હત્યા

ના પોલીસે પકડ્યો

ના જેલ માં ગયો

હત્યારો તો ખૂલે આમ ફરે

ના કોઈ દુઃખ ના કોઈ ગ્લાનિ છે

આ ચોધાર આંસુ એ રડે પર્ણો

શું હતો અમારો વાંક ?

કેમ મારા અસ્તિત્વનો કર્યો તમે વિનાશ ?

આ પંખીઓ એ પણ કરી મિટિંગ

પૂછ્યું અમે તો ઘર તોડતા નથી તમારું

કેમ તોડ્યું તમે ઘર અમારું ?

આ મહેકતા ફૂલો એ પૂછ્યું,

શું છે અમારો વાંક ?

કેમ અમારા આશરાને તોડી પાડ્યો તમે ?

શું આપે આ હત્યારો જવાબ !