વિસરાઈ ગઈ
વિસરાઈ ગઈ
1 min
25
મોય-દાંડીયાને ઠેરીની રમત વિસરાઈ ગઈ,
ચોમાસે ખૂંચણિયાની રમત વિસરાઈ ગઈ.
આ.હા.!, એ દિવસોને ભૂલી નથી શકાતા,
યુવાનીમાં બાળપણની રમત વિસરાઈ ગઈ.
થપ્પો દાવમાં અંચાઈ કરતાં-કરતાં પકડાતા,
કિટ્ટા-બુચ્ચા કરવાની રમત વિસરાઈ ગઈ.
ઘર-લેસન ન કર્યાની સજામાં ફૂટપટ્ટી પડતી,
પક્કડ દાવને છૂટ દડીની રમત વિસરાઈ ગઈ.
બાળપણનું માસુમ ભોળપણ ખોવાઈ ગયું,
પાટી થૂંકથી લુંછવાની આદત વિસરાઈ ગઈ.