વાતો - 82

પ્લાસ્ટિક ન હતું જયારે,  

શું જીવન ન હતું ત્યારે ? 

જિંદગી સરળ રહેતી, 

સગવડ ઓછી મળતી, 

તકલીફ તો ન જણાતી,

ધીરેથી આગમન થયું, 

પહેલા તે જાડું બનતું,

લોકોને તે ગમતું હતું,

નવાઈ જેવું એ લાગતું, 

બધાને ક્યાં એ મળતું ? 

ધીરે ધીરે પગ પસાર્યો, 

જાડાથી તે ઝીણો થયો, 

ઠેર ઠેર ફરવા લાગ્યો,

શોખમાંથી તે સાથી થયો, 

પછી તો એ બેફામ થયો,

જીવનનો હિસ્સો ગણાય, 

અતિ ને ક્યાં ગતિ હોય ? 

એના પ્રદૂષણે માઝા મૂકી,

નિયંત્રણમાં સરકારો ઝૂકી,

આડ અસર એની ઘણી

બહુ મોડેથી સમજાણી,

બંધ કરવાની વારી આવી, 

મોડી ભલે સમજણ તો આવી.