પોંક આપણે ખાઈશું

હાલને મારા ભાઈબંધ હાલને મારી રે સંગાથ

આપણે જઈએ ખેતરમાં પકડી લે મારો હાથ,

    

પિઝા, બર્ગર ને ચાઈનીઝ ખાવાનો નથી શોખ

ખેતરમાં ખાવો છે ઘઉંનો ગરમા ગરમ રે પોંક,

પાકા પાકા ઘઉંનાં કણસલાનાં ગૂંથી રે ચોટલા

મોજમસ્તીનાં સાથે બેસીને બાંધીશું રે પોટલા,

લાકડા લાવીશુંં, તાપણી કરીશુંં પોંક રે પાડીશુંં

મીઠો મીઠો ગરમા ગરમ પોંક આપણે ખાઈશુંં,

હાથથી ભૂંજીશું, મોંથી ફૂંકીશું, વહેંચી પોંક ખાશું

ગરમા ગરમ મીઠો પોંક ખાવાની મોજ માણશું,

પંખી સંગે વાતુ કરીશુંં કુદરતનાં ખોળે રમીશું

પોંક ખાતાં ખાતાં આનંદથી અમે રે...ઝૂમીશું.