ઓ જિંદગી

મોતનો આ વાયરો કેવો વાયો ઓ જિંદગી ?

માણસોમાં કોરોનાનો ડર છાયો ઓ જિંદગી

બહાર જીવતો માણસ ઘરમાં આજે પૂરાયો

ઘરમાં સૌ સાથે પ્રેમથી બંધાયો ઓ જિંદગી,

કોઈથી ડરે નહીં ને આ કોરોનાએ ડરાવી દીધો

કોરોનાનાં મોત સામે આજ ડરાયો ઓ જિંદગી,

ભાન ભૂલીને કુદરતનાં ખોળાને પહોંચાડી હાનિ 

કુદરતથી પોતાને વધુ માનતો ડાહ્યો ઓ જિંદગી,

આડેધડ વૃક્ષોને કાપ્યા પણ વૃક્ષોને ના વાવતો

આજે ઓક્સિજન માટે રઘવાયો ઓ જિંદગી,

હોસ્પિટલોમાં જિંદગી માટે લાગી લાંબી કતારો

સ્મશાનમાં લાશોનો માતમ છવાયો ઓ જિંદગી,

કેવો આ કોરોનાનો વસમો સમય આવ્યો કનક ?

માણસ માણસની પાસે જતાં ગભરાયો જિંદગી.