મુક્તક

અન્ય ને જાણવાની ભ્રમણા રહેવા દે ,

તું ખુદનેજ ક્યાં હજી જાણી શક્યો છે ?

જીવનભર બેસી રહ્યો શાળા ની પાટલી પર ,

શિક્ષણ બહાર ઉભું મારી રાહ જોતું રહ્યું....

ચાલો દુઆ માંગીએ એક એવા જહાં ને માટે, 

હાથ ઉઠે તો પણ અન્ય ને ઉઠાવવા માટે ...

આજે એક જૂની હવેલી વેચાય ગઈ ,

લોહીની ફી ચેકથી અપાઈ ગઈ.....

ચાલતો રહે મુસાફર ,મંઝિલ મળે કે ન મળે ...

તને ચાલતો નિહાળી 'ગાફિલ'કેટલાયે મંઝિલે પહોંચ્યા છે.....

સંબંધો ના કોઈ ત્રાજવા નથી હોતા ,

કોણ આપે કેટલું એવા હિસાબો નથી હોતા, 

માનો તો શક્ય ,ન માનો તો અશક્ય ,

લાગણીઓના કશે પુરાવાઓ નથી હોતા...

વાદળો ના આકારો માં એટલુંજ સમજાય છે 

જેવા જેના વિચારો એવુજ દેખાય છે......