મારે માથે હજાર હાથવાળો

મારે માથે હજાર હાથવાળો,

અખંડ મારી રક્ષા કરે.

કદી રક્ષકના ઉગ્ર રૂપવાળો,

આવી કસોટી કપરી કરે ... મારે માથે

એની કરુણાનો સ્તોત્ર નિત્ય વહેતો,

પ્રસન્ન મને રાખ્યાં કરે;

મને ચિંતા કરવા ન જરી દેતો,

કલ્યાણ મારું ઝંખ્યા કરે ... મારે માથે

રખે ઉતરું મારગે આડે,

તો સત્ય પંથ ચાંધ્યા કરે;

કદી પડવા ન દે મને ખાડે,

સદાય સાથ આપ્યાં કરે ... મારે માથે

નાથ શ્રદ્ધાનાં પારખાં લેતો,

ને તોય શક્તિ દીધાં કરે;

ધૂળમાંથી કનક કરી દેતો,

અજબ તારી લીલા ખરે ... મારે માથે