મારા રોમરોમમાં બંસી
મારા રોમરોમમાં બંસી
1 min
192
મારા રોમરોમમાં બંસી તે કો’કની વાગે છે !
મારી સૂતેલી ચેતના જાગે છે:
કે રોમરોમમાં બંસી તે કો’કની વાગે છે !
જાણે વ્રજની કોઇક કુંજ લાગે છે,
એ તો જમનાને તીરથી જાગે છે:
કે રોમરોમમાં બંસી તે કો’કની વાગે છે !
મારી ઇન્દ્રિયની ગાવડી નાચે છે,
મારી વૃત્તિનાં પંખી ગાયે છે.
મારા રોમરોમમાં બંસી તે કો’કની વાગે છે !
મારું અંગઅંગ અમૃતમાં ન્હાયે છે:
એનો આનંદ રસ શો ભારે છે,
મારા રોમરોમમાં બંસી તે કો’કની વાગે છે !