લીમડો
લીમડો
લીમડાને આવી ગ્યો તાવ,
લીમડાના દાદા ક્ય કહી કહીને થાકી ગ્યો,
જાવ... હજી ફાસ્ટ ફૂડ ખાવ...
ટી-શર્ટને જીન્સવાળી માંજરી બિલાડી
આપણને દૂધ નહિ ફાવે !
પિઝાને બર્ગરની આખી આ પેઢીને
રોટલી ને શાક ક્યાંથી ભાવે ?
વર્ષોથી બોટલમાં કેદી થઈ સડતા એ
પીણાંને પીવો ને પાવ.
જાવ... હજી ફાસ્ટ ફૂડ ખાવ...
અપ ટુ ડેટ કાગડા ને કાગડીયુ માઈકમાં મંડી પડ્યા છે કાંઈ ગાવા !
કંઈ પણ ભીંજાય નહી એવા ખાબોચિયામાં
નીકળી પડ્યા છો તમે ન્હાવા ?
કૂંપળના ગીતા લીલા પડતા મૂકીને ગાવ
રીમિક્સના ગાણાઓ ગાવ.
જાવ... હજી ફાસ્ટ ફૂડ ખાવ...
કાન એ કંઈ થૂંકવાનો ખૂણો નથી કે નથી પેટ એ કંઈ કોઈનો ઉકરડો,
આપણા આ ચહેરા પર બીજાના નખ શેના
મારીને જાય છે ઉઝરડો ?
માંદા પડવાનું પોસાય કદી કોઈને'ય સાંભળ્યા છે ડોકટરના ભાવ ?
જાવ... હજી ફાસ્ટ ફૂડ ખાવ...
લીમડાને આવી ગ્યો તાવ,
લીમડાના દાદા ક્ય કહી કહીને થાકી ગ્યો,
જાવ... હજી ફાસ્ટ ફૂડ ખાવ...