કોરોનાનો ખરખરો

આક્રંદ, રૂદન, મરશિયા ને ખરખરો

હે આ બધું શું છે ? 

કોરોનાનો છાયો, ભાઈ કોરોનાનો છાયો, 

દવાખાનામાં દર્દીની લાઈન, 

સ્મશાનમાં લાશોનો ઠેર, ઘરમાં માતમનો કેર,

હે આ બધું શું છે ? 

કોરોનાનો છાયો, ભાઈ કોરોનાનો છાયો,

બેડ માટે તેની માથાકૂટ,

ઓક્સિજન માટેની તડાફડી, 

વિના ઓક્સિજને જાન ફળફળી, 

હે આ બધું શું છે ? 

કોરોનાનો છાયો, ભાઈ કોરોનાનો છાયો, 

ઈન્જેકશનની ચોરી, 

ઓક્સિજનના બોટલની કાળા બજારી,

જનતાની પાયમાલી, સમાજમાં અંધાધૂંધી,

હે આ બધું શું છે ? 

કોરોનાનો છાયો, ભાઈ કોરોનાનો છાયો,

મોઢું બાંધવું, હાથ પગને ધોવું,

ક્યાંય ન જવું, ઘરમાં પુરાઈ જવું,

હે આ બધું શું છે ? 

કોરોનાનો છાયો,ભાઈ કોરોનાનો છાયો,

છેટા છેટા રહેવું, રાતે વહેલા ઘરભેગું થવું 

બીકમાંને બીકમાં આવવું ને જાવું, 

સારા,નરસા પ્રસંગોનું પાણી ફેરવવું, 

હે આ બધું શું છે ? 

કોરોનાનો છાયો, ભાઈ કોરોનાનો છાયો.