કોની છું હું થાપણ ?
કોની છું હું થાપણ ?
હું ને મારો ભાઈ, જોડિયાં બાળકો,
જન્મ્યાં છીએ સાથે, મોટાં થયાં સાથે,
પણ હું છું પારકી થાપણ !
ફર્ક માત્ર એટલો,એ છે વારસદાર,
ને હું છું પારકાં ઘરને શોભાવનાર,
પણ હું છું પારકી થાપણ !
મળતી વસ્તુઓ અમને સરખી,
ભાઈની જીદને આગળ રખાતી,
પણ હું છું પારકી થાપણ !
થતાં ગયાં સમયે અમે મોટા,
ને બદલાતી ગઈ સૌની લાગણીઓ,
પણ હું છું પારકી થાપણ !
હું તો બની ગઈ પિતાની લાડલી,
ભાઈ તો કહેવાય ઘડપણની લાકડી,
પણ હું છું પારકી થાપણ !
વિદાય પછી સમજાય શું હતી હું,
કુળને અજવાળનાર લક્ષ્મી હતી હું,
પણ હું છું પારકી થાપણ !