કોઈ પૂછે છે, કેમ છો

રોજ બધા પૂછે છે,કેમ છો મજામાં !

સમજાતું નથી મારે શું કહેવું હવે જવાબમાં !

તબિયત તો હમણાં વધુ સારી જ હોય છે,

પણ મનની મૂંઝવણ કેમ કહેવી સંવાદમાં !

મુખ પર હાસ્યનું માસ્ક પહેરીને ફરે છે સૌ કોઈ અહીં,

આ હાસ્યમાં માસ્ક ઉતારી, કેમ જીવાય રુદનમાં !

ભલે ને આખો દિવસ મનને તમારી યાદોમાં મનાવ્યા કરું,

તોય રાતે આખો દરિયો ઉભરાય છે હવે મારી આંખમાં

સૌ ક્યાં જાણે છે, શું ચાલે છે મારા જીવનમાં !

એટલે જ તો કહું છું હા, હું મજામાં.