કાન્હા, તું એકવાર, ફરી ધરતી પર આવી તો જો !
કાન્હા, તું એકવાર, ફરી ધરતી પર આવી તો જો !
કાન્હા, તું એકવાર, ફરી ધરતી પર આવી તો જો !
શેષનાગની શૈયાએથી ઊતરી,
સુદર્શન ને, આંગળીએથી ઊતારી,
કદમ નીચે એક, મૂકી તો જો,
કાન્હા, તું એકવાર, ફરી ધરતી પર આવી તો જો !
સાંદીપનીનાં આશ્રમમાં ભણ્યાં,
વેદ ને ગીતાનાં જ્ઞાન જાણ્યાં,
પરીક્ષા જીવનની, અહીં આપી તો જો,
કાન્હા, તું એકવાર, ફરી ધરતી પર આવી તો જો !
ગોવર્ધનને, આંગળીએ ઊઠાવ્યો,
ઇંદ્રદેવનો અહંકાર ઊતાર્યો,
જવાબદારી સંસારની, અહીં ઊઠાવી તો જો,
કાન્હા, તું એકવાર, ફરી ધરતી પર આવી તો જો !
સુદામાની મિત્રતા નિભાવવાં,
મૈત્રી કાજે, તાંદુલ ખાધાં,
એક રોટલો, અહીં રળી તો જો,
કાન્હા, તું એકવાર, ફરી ધરતી પર આવી તો જો !
ગોકુળમાં, ગોપીઓની ટોળી,
સંગે શોભે, રાધા ગૌરી,
'ચાહત' દિલની, અહીં મેળવી તો જો,
કાન્હા, તું એકવાર, ફરી ધરતી પર આવી તો જો !
મામા કંસનો સંહાર કર્યો,
ધર્મ કાજે, યુદ્ધ તું લડ્યો,
કોરોનાનો વિનાશ, હવે કરી તો જો,
માનવજાતને હવે, માફ કરી તો જો !
હે, કાન્હા, તું એકવાર,
ફરી, ધરતી પર આવી તો જો !