જન્માષ્ટમીએ બધાં કાનુડાને

મને પણ કાનુડો ખૂબ વહાલો ને, ગમે છતાં

કોણ જાણે કેમ માયા યાદ આવ્યા કરે, એની શહીદી યાદ રહે ,

એ જન્મીને કયાં ખોવાઈ ગઈ ?

જે રીતે વસુદેવે કાનુડાને કારાગારમાંથી યમુના પાર કરાવી ,

એમ એને પણ પાર કરાવી

કારાગારમાં લઈ આવેલા ને ?

તમને યાદ છે કે નહીં?

મને તો

એ જ યાદ આવ્યા કરે ને

છતાં પડઘા પડ્યા કરે,

નંદ ઘેર આનંદ ભયો

તો રોહિણી ઘેર શું થયું હશે ?

કાનુડાની અવેજીમાં લવાયેલી

એ દુહિતાને કેવી રીતે

હ્દયાંજલિ આપવી ?

આ “બકુલિકા” દ્વારા મારી એને હ્દયાંજલિ.