ડોક્ટર દિન મનાવીએ

ચાલો ચાલો ને આપણે સૌ,

ડોક્ટર ડોક્ટર રમીએ...

ડોક્ટર ડોક્ટર રમીએ ને,

ડોક્ટર દિન મનાવીએ...

ડોક્ટર તો લાગે સ્વરૂપ ભગવાનનું,

આજ ડોક્ટરનું પૂજન સૌ કરીએ..

અંતિમ વેળા આવે જીવનની,

ડોક્ટરની મે'રથી જીવન જીવીએ..

ચાલો ચાલોને....

ડોક્ટર જગતની આન, બાન, શાન છે,

ઊંઘ, ઉજાગરા વેઠી બન્યા એ મહાન છે..

છોડ્યું કુટુંબ એણે ફરજને કાજ છે,

ડોક્ટર તો આખા જગતની જાન છે..

ચાલો ચાલોને આપણે સૌ,

ડોક્ટર ડોક્ટર રમીએ...

ડોક્ટર ડોક્ટર રમીએ ને,

ડોક્ટર દિન મનાવીએ.