છેતરપિંડી

પોતાની જાતથી જેને વધુ ગણી, 

એની વાતને કદી પણ ના ભણી, 

નિ:સ્વાર્થભાવથી દોસ્તી નિભાવી, 

ખોટ કદી મારાં મનમાં ન આવી,

શું એવી તો કોઈક ઘટના ઘટી, 

ગેરસમજ થઈ ને દોસ્તી મટી, 

એને એવું લાગ્યું મેં તેને છેતર્યો, 

હકીકતમાં હું પોતે વેતરાયો,

મનનો વસવસો મનમાં રહ્યો, 

વાત બંધ થતાં ખુલાસો ન થયો,

છેતરપિંડી તો કરી જ ન હતી, 

તોય દગાબાજમાં ગણત્રી થતી,

આવુંતો જીવનમાં ચાલ્યાજ કરે, 

કરે છે કોણ અને કોણ તો ભરે, 

માટે સાવધ જેટલાં પણ રહો, 

કદી દગોતો થશે જ! સાચું કહો,