ଶିଶୁ ହସିଲେ

ଶିଶୁର ଓଠରେ ଅମୃତର ଧାର 

  ଝରେ ମନ୍ଦାକିନୀ ପରି 

ହସିଦେଲେ ଥରେ  ଦୂର ହୁଏ ଶୋକ 

   ସୁଖେ ଆତ୍ମା ଯାଏ ଭରି ll 1

ଦରୁଟି କଥାରେ  ଭରି ରହିଥାଏ 

    ସ୍ନେହ ଶ୍ରଦ୍ଧା ପ୍ରେମ ପ୍ରୀତି 

ଅନୁରାଗେ ସିଏ  ବାନ୍ଧି ରଖିଥାଏ 

     ନଥାଏ ମନରେ ଭୀତି ll 2

ଥିରି ଥିରି ଚାଲି  ପାଦ ଟଳମଳ 

    ନିଷ୍ପାପ ହୃଦୟ ମନ

ମନ ଜାଣି ତାକୁ  ଦେଖାଇଲେ ପଥ 

    ଜୟୀ ହେବ ତ୍ରିଭୁବନ ll 3

ଆଜି ସିଏ ଶିଶୁ   କାଲି ନାଗରିକ 

   ଧରିବ ଦେଶର ମଙ୍ଗ

ଅସାଧ୍ୟ ତା ପାଇଁ  ନ ହୋଇବ କିଛି 

     ଲଙ୍ଘି ହିମାଳୟ ଶୃଙ୍ଗ ll 4

     

ଶିଶୁର ସୁରକ୍ଷା ଶାରୀରିକ ବୃଦ୍ଧି 

   ତା ସେବା ଯତନ କଲେ 

 ଶିକ୍ଷା ଦୀକ୍ଷା ଦେଇ ବିକଶିଲେ ଗୁଣ 

   ଦୁନିଆ ଜିଣିବ ଭଲେ ll 5